ଧ୍ୱନ୍ୟାତ୍ମକ (ଦ୍ୱିରୁକ୍ତ) ଶବ୍ଦ — ନୋଟ୍ସ୍
ସ୍ରୋତ: ସାରସ୍ୱତ ବ୍ୟାବହାରିକ ଓଡ଼ିଆ ବ୍ୟାକରଣ — ଦ୍ୱିରୁକ୍ତ ଓ ଧ୍ୱନ୍ୟାତ୍ମକ ଶବ୍ଦ।
- ଧ୍ୱନିର ଅନୁକରଣରେ ଗଠିତ ଶବ୍ଦ ‘ଧ୍ୱନ୍ୟାତ୍ମକ’; ପ୍ରାୟତଃ ଦୁଇଥର ଉଚ୍ଚାରିତ (ଦ୍ୱିରୁକ୍ତ)।
- ବାକ୍ୟରେ କ୍ରିୟାର ଧ୍ୱନି/ଅବସ୍ଥା ବୁଝାଇବାକୁ ବ୍ୟବହୃତ।
| ଶବ୍ଦ | ବାକ୍ୟ |
|---|---|
| ଖସ୍ଖସ୍ | ଶୁଖିଲା ପତ୍ର ଉପରେ ଚାଲିଲେ ଖସ୍ଖସ୍ ଶବ୍ଦ ହୁଏ। |
| ଗଣଗଣ | ମାଛିଗୁଡ଼ାକ ପଚା ଜିନିଷରେ ବସି ଗଣଗଣ ହେଉଛନ୍ତି। |
| ଘଡ଼ଘଡ଼ | ଶିଶୁଟିର କଫରେ ଛାତି ଘଡ଼ଘଡ଼ ହେଉଛି। |
| ଟପ୍ଟପ୍ | ଚାଳରୁ ଟପ୍ଟପ୍ ପାଣି ପଡ଼ୁଛି। |
| ଟପରଟପର | ମେଘ ଟପରଟପର ବରଷିଲା। |
| ଡିବିଡିବି | ଡମରୁ ଡିବିଡିବି ବାଜେ। |
| ପଚ୍ପଚ୍ | ବର୍ଷାରେ ରାସ୍ତାଟା କାଦୁଅ ପଚ୍ପଚ୍ ହୋଇଛି। |
| ଫଡ଼ଫଡ଼ | ପକ୍ଷୀମାନେ ଡେଣା ଫଡ଼ଫଡ଼ କରି ଉଡ଼ିଯାଆନ୍ତି। |
| ବଂବଂ | ଶିବ ମନ୍ଦିରରୁ ଭକ୍ତମାନଙ୍କର ବଂବଂ ଧ୍ୱନି ଶୁଣାଯାଉଛି। |
| ଭୁଁ ଭୁଁ | ମଟର ଗାଡ଼ି ଭୁଁ ଭୁଁ କରି ଚାଲେ। |
| ଭେଁ ଭେଁ | ମା’କୁ ନ ଦେଖି ପିଲାଟା ଭେଁ ଭେଁ ହୋଇ କାନ୍ଦୁଛି। |
| ମେଁ ମେଁ | ଛେଳି ମେଁ ମେଁ କରି ବୋବାଏ। |
| ଟିକ୍ଟିକ୍ | ଘଣ୍ଟା ଟିକ୍ଟିକ୍ ହୋଇ ଚାଲିଥାଏ। |
| ଝମ୍ଝମ୍ | ଘୁଙ୍ଗୁରର ଝମ୍ଝମ୍ ଶବ୍ଦ ନୃତ୍ୟସ୍ଥଳକୁ ଆମୋଦିତ କଲା। |
| ଝର୍ଝର୍ | ଝରଣା ଝର୍ଝର୍ ତାଳରେ ବହି ଚାଲିଛି। |
| ଝୁକ୍ଝୁକ୍ | ରେଳଗାଡ଼ି ଝୁକ୍ଝୁକ୍ ଶବ୍ଦ କରି ଧାଇଁଛି। |
| ଘୋଘୋ | ଯାତ୍ରା ପଡ଼ିଆର ଘୋଘୋ ଶବ୍ଦ ବହୁ ଦୂରକୁ ଶୁଣାଯାଏ। |